五大訴求，缺一不可嘅真正意義係咩？
為咗達成五大訴求，七條人命、兩隻眼、1100個手足被捕
如果我地因為政府答應一條而收貨，我地點對得住佢地？
佢地用咗生命同前途去對抗政府，我地點可以放棄佢地？出賣佢地？
我同大家講，唔好講咩日後只係得返四大訴求！
將來就算答應第二訴求，亦都唔好講咩三大訴求！
所謂缺一不可，就係政府要答應所有訴求！而唔係袋住先！
我知道好多人，包括我自己都好怕大家真係收貨
可能唔少人覺得 " 都答應咗最初訴求喇，唔好再攪到香港亂喇 "
我想講，如果6月9日，林鄭宣佈撤回，我諗我自己都會收貨..
但呢三個月，一條反逃，將香港內裡問題一一浮現，好似一塊照妖鏡咁
原來香港係一個表面風光，內裡係千瘡百孔嘅社會
特別係警權過大，一日唔整頓唔調查唔處罰班黑警，我地就會生活於軍政府管治底下，仲講咩人權自由？仲講咩生活？
所以我地係絕對唔會收貨！堅持到底！追究班垃圾黑警責任！
等佢地唔好以為打完人可以笑笑口仲可以收人工呀無責任呀！
如果我地收貨同退縮，香港真係玩完架
我地亦都會將前線嘅手足置一個危險地方
光復香港 時代革命
五大訴求 缺一不可
同意就留言五大訴求 缺一不可
比身邊嘅人知道 比前線知道 比仲諗緊收唔收貨嘅手足知道
我地係唔會收貨呀！
大家！今晚開始，文宣要做足呀！
連濃牆 網絡宣傳 身體力行同身邊嘅人講呀！
連濃牆最近已經無咩人貼喇！比人拆左都無人補返！
唔好懶 唔好頹 唔好放棄 唔好覺得無用！
有咩需要就出聲，相信好多同路人會一齊協助！
Search